Friday, 28 April 2017

හදුන් පොත්ත කී ගානවා බං



ඇත්තටම කැතටම නෝන්ඩි උන සිද්ධියක් තමයි මේ. අපි ඉස්කෝලේ යන කාලේ මුලින් මුලින් ලව් කලේ ලියුම් වලින් උනාට පස්සේ ජංගමයේ ආගමනයත් එක්ක ජංගමයට මාරු උනා අපි ඉතිං අපේ දෙමාපියන්ට ගල්යුගේ ඉන්න ඇයෝ ලියුම් වලින් නේ ලව් කලේ කියලා නෝන්ඩියට හිතාගෙන හිටියා. ඇත්තටම ජංගමේට මාරු උන එකෙන් ගොඩක් වාසි සිද්ධ උනා දැන් ඉතිං ඕනි වෙලාවක කතා කරන්න පුළුවන් ෆෝටෝ ගන්නවා, එස්.එම්.එස්. එවනවා ඇයි ඒ විතරක් නෙවෙයි ඒ එක්කම ආපු ඉන්ටර්නෙට් පහසුකම නිසා මැසෙන්ජර් (යාහු එකේ අයිටම් එකක්) එම්.එස්.එම්. චැට් රෑම් යනවා කියලා වැඩක් නැ. අපි ඉංග්‍රිසියෙන් ලව් කරනවා සමහර වෙලාවට අම්මා තාත්තා බැලුවත් ඇතින්ම දකින්නේ ඉංග්‍රිසිනේ ඉංග්‍රිසි හදා ගන්න වැඩ කරන්නේ කිවුවම පිලි ගන්නවා. සරලවම කිවුවොත් අපේ දෙමාපියන් ගල්යුගයෙනේ. 

ඒත් ඉතිං ගමනක් බිමනක් යනකොට විතරක් නෙවෙයි දොට්ට පිලට ගියත් ෆෝන් එක නම් අතහරින්නේ නැ අනිවාරයෙන්ම කොහෙ ගියත් අරගෙන යනවා මොකද ඕකේ තියෙන ඒවා දැක්ක ගමන් ගෙදරින් බත් කාලත් ඉවරයි. විශේෂයෙන්ම කෝල්, එස්.එම්.එස්., ගමනක් යද්දි ෆෝන් එක ගෙනියන්න බැරිනම් බැටරිය හරි ගෙනියනවා. නැතිනම් අකමැත්තෙන් උනත් කොල් මැසෙජ්, ටික මකලා තමයි යන්නේ. 

කොහෙම හරි මම දවසක් ගෙදර ඉන්න කොට සාලේ ෆෝන් එකක් තියෙනවා කාගෙද කියලා බැලින්නම් මලයාගේ මට ඉතිං  ආයි කියලා වැඩක් නැ ඉතිං වග කිවයුතු වැඩිමල් සහෝදරයා වශයෙන් මම මුගේ ෆෝන් එක චෙක් කලා. කොහේ කොල්ස් මුකුත් නැ හදිස්සියකට ගෙදරින් ගත්ත ආපු කෝල් විතරයි, මැසේජ් තියෙනවා කොම්පැනියේ ඒවා පුරවලා, මම මොකටත් කියලා අම්මගෙන් ඇහුවා අම්මා ඇයි මේ මූ ෆෝන් එක දාලා ගිහින් කියලා. එහෙම තමයි ඉස්කොලේ යනකොට ගෙනියන්නේ නැ නේ. කියලා අම්මා කියපි. මට විලි ලැජ්ජාවේ බෑ ඇයි ඉතිං අපි ඉස්කොලෙට ෆෝන් අරන් ගිය හැටි මතක් වෙනකොට අම්මපා දැන් හැදෙන උන් හරි හොදයිනේ කියලා මට අපි ගැන සැහෙන්න දුක හිතුනා තියලා වැඩක් නැ. කොහොම හරි ලැබුන චාන්ස් එකෙන් ප්‍රයෝජන ගන්න කියලා හිතාගෙන මම මල්ලි ගේ ෆෝන් එකෙන් ගෙම් එකක් ගහ ගහ හිටියා ඒකත් එපා වෙලා නිකමට ෆෝන් එකේ ඇප් ටික එහෙ මෙහෙ යව යව ඉන්න කොට ඉමෝ ඇප් එක දැක්කා කොයිකටත් ඇගිලි ගහන පුරුද්ද නිසා ඉමෝ එකටත් ගියා අම්මපා මම ඉස්සල්ලා මුන් ගැන හිතාගත්ත සියල්ල ඉල්ලා අස්කරගත්තා. කියලා වැඩක් නැ මුගේ මුළු චරිත සහතිකේම තියෙනවා මේ ඇප් එකේ. 

මම අම්මගෙන් ආපහු ඇහුවා අම්මා මුගේ ෆෝන් එකේ මොනවද තියෙන්නේ කියලා බලනවාද කියලා. බලන්න දෙයක් නැ කෝල් එකක තිබුනත් තියෙන්නේ අපි ගත්ත ඒවා විතරයි නේ. මට ඉතිං හරී සන්තෝසයි කියලා වැඩක් නැ කොහොම හරි ඒ එක්කම මගේ හිතට ආවා අපි අම්මා තාත්තා ගැන හිතාගෙන හිටිය විදිය. ගල්යුගේ අම්මපා මමත් දැන් ගල්යුගේ නේද ? අපි ෆෝන් එකේ ඩයල් කරලා කෝල් එක ගන්නකොට මුන් ඉමෝ, වයිබර්, වට්ස් ඇප් වලින් පිංතුරත් එවනවා. අපි ඉදහිට පිට රට කෝල් එකක් ගන්න ඕනි උනාම විතරනේ ඕවා පාවිච්චි කරන්නේ ඒත් මුන්නේ මේවයින් වැඩ කරගන්නේ. අපි මෙච්චර ඉගෙන ගෙන පොර වගේ ටෝක් දී ගෙන හිටියට අපේ මල්ලිත් එක්ක බලනකොට මම අම්මපා ගල්යුගේ නේද කියලා මටම හිතුනා.  කියලා වැඩක් නැ අප්පා ඒ හිතේ අමාරුව තාමත් තියෙනවා වගේ.

Sunday, 23 April 2017

අහපු කථාවක්

මේක මම අහපු කථාවක් ඒත් කරුමෙට අල ගිය තැන් මුල් ගියතැන් අමතකයි. හේතුව ගොඩක් ඉස්සර මම අහපු එකක් වගේම මට දේවල් මතක තියාගන්නඑක ටිකක් අමාරු වැඩක්.

කොහොම හරි අපේ ඇම්ඩන් බස් කොන්දොස්තර කං කරපු කාලේ වෙච්චි වැඩක්, ඒ දවස්වල මෑන් හරි ආසයි ලු ඇන්ටන් ජෝන්ගේ සින්දුවලට කොහොම හරි දවසක් මැන් බස් එකේ කැසට් එකක් දාගෙන යනකොට පිස් එකේ පටිය ඇඹරුනාලු මිනිහා පට ගාලා බස් එකෙන් බැහැලා කඩේකට දුවලා පිස් එක අැඹරුණ තැන්වලින් කපලා අරන් අලවලා පිස් එක ආපහු දැම්මලු දැන් ඉතිං සින්දු ටික නැගලා යනවා ඔහොම ගිහින් මෙහෙම වැඩක් උනා.

පිස් එකේ එක තැනක ‘‘ ප්‍රේමවති මනම්පේරි තරුණිය ... කතරගමට හිටිය රූප රැජිණිය පතිවත කෙසෙලා අයියෝ මරාදැමුවා ඈ .. ශාන්ත අන්තොනි මුණිතුමා ‘‘

මුළු බස් එකම එක හඩින් හු කියන්න පටන් ගත්ත පාර ඇම්ඩට බස් කෙරුවාව එපා වෙලා ගියා.

Wednesday, 19 April 2017

ඔවු ඔවු බටහිර ඇමරිකන් යුරෝපිය අධිරාජයවාදී කුමන්ත්‍රණයක් තමයි



පරිසර උෂ්ණත්වය (Global Warming) ඉහල යෑම ඇත්තටම තර්ජනයක් වෙන්නේ පාථිවියටද ? පරිසරයටද? අපිටද? ඇත්තටම අපි හිතනවා පරිසර උෂ්ණත්වය ඉහල යැම නිසා පාථිවිය විනාශ වෙනවා කියලා අපි විසින් පරිසරය විනාශ කරනවා කියලා නමුත් මිට වසර මිලියන කිහිපයකට පෙර අපේ පාථිවිය දැනට පවතින සාමාන්‍ය උෂ්ණත්වයට වඩා සෙල්ලියස් අංශක හයකින් (6) උෂ්ණත්වය වැඩි වෙලයි තිබුනේ ඒ කියන්නේ අපිට තිබෙන අයිස්කාන්තාරය නැතිනම් දන්න සිංහලෙන් කියනවානම් ඇන්ටාර්ටිකාව සම්පුර්ණයෙන්ම අයිස් වලින් තොරව ගස්වැල් සතුන් ගෙන් පිරි පැවති ප්‍රදේශයක්ව පැවති කාලයේදි. ඇත්තටම ඇන්ටාර්ටිකාව අයිස් කාන්තාරයක් බවට පත්වුයේ ලෝක උෂ්ණත්වය සෙල්ලියස් අංශක හයකින් පහල බැසිම නිසාය.

ඒ විතරක් නෙවෙයි රෝම අධිරාජය බිද වැටි යුරෝපය අදුරු යුගයකට වැටිමටද හේතුඋයේ ක්ෂුද්‍ර අයිස් යුගයක් නිසාය. හරියටම කිවුවොත් සෙල්සියස් අංශකයකින් පමණ ලෝක උෂ්ණත්වය පහල බැසිම නිසාය. කාෂිකර්ම බිම්වල ඵලදායිතාවය නැතිවගොස් ආහාර නිෂ්පාදනය අඩුවිමනිසා ශරීර ශක්තිය හා පෝෂණයෙන් දුර්වලඋනු මිනිසුන්, වසංගත රෝග ආදිය පිරි පැවති කාලයක් තමයි මේ කාලය. නමුත් ඔබට කියන්න පුළුවන් මම කියන්නේ පචයක් කියලා මොකද පුනරුදයෙන් වසර ගනනාවකට පසුත් යුරෝපයේ කොළරාව වැනි වසංගත පැතිරගියේ අදුරු යුගයට වඩා හතර පස් ගුණයකින් ආහාර නිෂ්පාදන ඉහල ගියපසු කියලා ඔබට මා හට උදාහරණ සැපයිය හැකි. නමුත් පුනරුදයෙන් පසු වසංග රෝග පැතිර ගියේ අධික ජන ඝනත්වය නිසයි, පුනරුදයෙන් පසු යුගයට වඩා ජන ඝණත්වය අඩු අදුරු යුගයේදි වසංගත පැතිරගියේ ඇයි කියන එකට හේතුවක් තමයි මම කලින් ප්‍රකාශ කල ශරීර ශක්තියෙන් හා පෝෂණයෙන් දුර්වලඋනු මිනිසුන්, ඇත්තටම පාරිසරික සාධක නිසා මහා ශිෂ්ඨාචාර, රට රටවල ස්වර්ණමය ඉතිහාසයන් අහිමි විම සුලභ දෙයක් උදාහරණයකට ඇන්කෝරා වොට්, චිනයේ මින් අධිරාජ්‍ය වැනි ස්වර්ණමය යුගයන් ආසියාවේත්, ඇමරිකාවේ මායා ශිෂ්ඨාචාරය, ලොව පුරා පැතිරි පොදු ලක්ෂණයන්ට උදාහරණයි.

කෙසේ හෝ අප විසින් මේ කෘත්‍රිමව ඇති කරණ පරිසර උෂ්ණත්වය ඉහල යැම ඇත්තටම පෘථිවි පද්ධතියට මහ දෙයක් නෙවෙයි අපේ මැදිහත් වීමෙන් අපි විසින් පෘථිවියේ උෂ්ණත්වය සෙල්සියස් අංශකයකින් පමණ ඉහල දමා ඇතත් පෘථිවිය විසින් ස්වාභාවිකවම තම උෂ්ණත්වය සෙල්සියස් අංශක හයකින් ඉහල දමාගෙන නැවත එය අංශක හයකින් අඩුකර ගෙන ඇත. අපිට මේවා මැජික් උනාට පෘථිවියට මැජික් නෙවෙයි මොකද පාථිවියට මේ පිළිබදව අත්දැකීම් ඇති බැවිනි. අවංකවම කියනවා නම් පෘථිවියේ උෂ්ණත්වය ඉහල යැම ඇත්තටම බල පාන්නේ අපිට විතරයි, අපේ පැවැත්මට විතරයි, ඉතිං කවුරුහරි ඔබට කියනවානම් අපි විසින් පාථිවි උෂ්ණත්වය ඉහල දමා පෘථිවිය විනාශ කරනවා කියලා ඔහුට ඇහුම්කම් දීමෙන් ඔබේ වටිනා කාලය නාස්ති කරගන්න එපා, ඇත්තටම වෙන්නේ ගොලිය උෂ්ණත්වය ඉහල දමාගැනීමෙන් අපි අපේ බෙල්ලට තොණ්ඩුව දමා තද කරගැනිම විතරයි, පාථිවිය විනාශවීමක් සිදුවන්නේ නැ.

දැන් ටිකක් මගේ පඬිකම ප්‍රදර්ශණය කරන්න දෙන්නකො, මම ඔබෙන් ඇසුවොත් කොහොමද පරිසර උෂ්ණත්වය අපි ඉහල දාන්නේ කියලා ඔබ දෙන පිලිතුර පරිසර දූෂණය මගින් ඒ කියන්නේ පොසිල ඉන්ධන දහනය, වනාන්තර විනාශය වැනි දේවල් වලින් කියා මම කියන්නේ දෙන්න තියෙන සරලම පිළිතුර, නමුත් ටිකක් හිතන්න අපි ඒ කියන්නේ හෝමෝ සේපියන් සේපියන් මේ ලෝකෙට පහල වෙලා අවුරුදු ලක්ෂ දෙකක් පමණ වෙනවා ඒකෙන් අවුරුදු පනස් දාහකට පස්සේයි මුළු ලෝකයම ගින්දර සම්පුර්ණයෙන්ම භාවිතයට ගත්තේ කියමුකෝ සැකයේ වාසියටත් එක්කම. ඉතිං එදා ඉදන් මේ ලගක් වෙනකම් ඒකියන්නේ 1850 ගණන්වල ස්කොට්ලන්තයෙන් බොරාතල් සොයාගන්නා තාක්කල් අපි කලේ පුච්චපුඑක තමයි, වෙන මොනාවත් නෙවෙයි පරිසරයේ තිබෙන කාබන් ප්‍රතිචක්ක්‍රිකරණය කල හැකි එකම පද්ධතිය තමයි අපි පිච්චුවේ වෙන මොනාවත් නෙවෙයි ගස්, රැට එලිය ගන්න, ආයුධ හදන්න, නැවු හදන්න, බෝට්ටු හදන්න, එතකොට ගෙවල් හදන්න තව මොන මොනවට අපි එය ගස් ගන්න ඇද්ද පුච්චන්න ඇද්ද කෙසේ හෝ මේ කියන් ගෝලිය උෂ්ණත්වය එතකොට ඇති වුනේ නැ, මම කියන්නේ මේ අවුරුදු සීයක් දෙසියක් ගැන නෙවෙයි අඩුම තරමින් අවුරුදු එක්ලක්ෂ පනස් දහසක් අපි ගස් පුච්චපු එක ගැන. අවුරුදු එක්ලක් පනස්දහසක් අපි කාබන් මේ පෘථිවියට නිකුත් කරපු එක ගැන, ඒත් කිසිදු වෙනසක් සිදු වුනේ නැ එයට හේතුව තමයි මේක,
අපි හිතමු අපේ පෘථිවියේ තිබෙන කාබන් ප්‍රමාණය 10% කියලා උදාහරණයක් වශයෙන්, ඉතිං මේ 10%යෙන් 5% තියෙන්නේ පොලොවෙන් උඩ ඒකියන්නේ පිච්චුවම අගුරුවෙන ඒවා හා අපි පිටකර හුස්ම වගේ දේවල්, ඉතිරි 5% තියෙන්නේ පොලොව යට ඒ කියන්නේ බොරතෙල්, ගල්අගුරු වගේ ඉතිං අපේ කාර්මික විප්ලවයට කලින් හිටිය මුතුන් මිත්තො කොච්චර කාබන් භාවිතයට ගත්තත් ඒගොල්ලෝ භාවිතා කලේ අර පොලොවෙන් උඩ තියෙන 5% ප්‍රමාණය විතරයි. ඒකියන්නේ අවුරුදු අඩුම ගානේ එක්ලක්ෂ පනස් දහක්ම පුච්චලා තියෙන්නේ අර පොලොවෙන් උඩ තියෙන 5% විතරයි. නමුත් අපි දැන් කරන්නේ අර පොලොවෙන් උඩ තියෙන කාබන් ටික පුච්චනවා මදිවට පොලොවෙ යට තියෙන කාබන් ටිකත් පුච්චන එකයි. මෙතන තියෙන ප්‍රශ්නේ මේකයි අපි පොලොවෙන් උඩ තියෙන් කාබන් 5% ප්‍රමාණය කොහොමට පාවිච්චි කලත් පොලොවෙන් උඩ තියෙන පරිසර පද්ධතියේ කාබන් ප්‍රමානය වැඩි විමක් හෝ අඩු විමක් සිදුවෙන්නේ සිදු වෙන්නේ එක් ස්වරුපයකින් තවත් ස්වරූපයකට මාරුවිම පමණයි ඒක බැලන්ස් කරගන්න මහ කාලයක් ගතවෙන්නේනෑ. නමුත් අපි පොලොවේ යට තියෙන කාබන් ටික පොලොව උඩට අරන් පුච්චනකොට වෙන්නේ අර කලින් තිබුනු 5% සමබර තාවය නැතිව යන එකයි, පොලොව යට තියෙන කාබන් අඩුවෙන අතර පොලොව උඩ තියෙන කාබන් ප්‍රමාණය වැඩි වෙනවා. දැන් ඇත්තටම පොලොවෙන් උඩ තියෙන කාබන් ප්‍රමාණය වැඩිවෙනවා නමුත් දැන් තමයි නියම ප්‍රශ්ණය මතුවෙන්නේ පොලොව උඩ තියෙන කාබන් ටික ආපහු පොලොව යටට යවන්න ඇත්තටම අවුරුදු මිලියන ගණනක් යනවා ඒක තමයි රියල් ප්‍රශ්ණය, ඉතිං කාබන් ප්‍රමානයේ සමබරතාවය ගිලිහියනවා ඒ එක්කම ගොලිය උෂ්ණත්වයඉහල යනවා.

Saturday, 15 April 2017

හේතුව මේක මගේ බ්ලොග් එක නිසා


අපි වවයි රට නගයි සිස්ටම් හරස් වෙයි

ඇයි මගේ රට දුප්පත් ඇත්තටම ඒක මගේ වරදක්ද? නැතිනම් සිස්ටම් එකේ වරදක්ද? ඇත්තටම මම හිතන්නේ ඒක සිස්ටම් එකේ වරද අපි බොහොම අභිමානයෙන් කියනවා අපේ රටේ විතරයි හෙම්බිරිස්සාවේ ඉදන් මොළේ සැත්කමක් වෙනුවෙන් උනත් නොමිලේ බෙහෙත් ගන්න පුළුවන් කියලා. ඒ වගේම මොන්ටිසෝරියේ ඉදන් උපාධිය වෙනකම් නොමිලේ ඉගෙන ගන්න පුළුවන් කියලා. ඔවු ඒක එහෙම තමයි ඒත් වෙලාවකට හිතෙනවා ඇත්තටම ඒක වටිනවාද කියලා? උදාහරණයකට විශ්ව විද්‍යාල ශිෂ්‍යන් ටික පාර වහගෙන ඉන්න කොට මුන්ට පිනට උගන්නන එකේ වරද තමයි මේ කියලා හිතෙන්නේ මට විතරද? ගුරුවරයෙක් නම් මම මේ කියන එක ඔබ හොදටම අත් දකිනවා ඇති ඉස්කොලේ ඉන්න එපාම කරපු එකා/එකි ටියුෂන් එකට ආවම ටියුෂන් එකේ ඉන්න අනිත් උන් වගේම ඉතා හොද ශාන්ත දාන්ත එකෙක්/එකියක් වගේ ඉගෙන ගන්න අපුරුව ? ඒ වගේම තමයි සෞඛ්‍යත් හැම දාම 1100ය ගානේ දිලා බොතලේ ගන්න පුළුවන් මිනිහා අසනීප උනාම 8500ගානේ (දන්න තරමින්) රජයේ හොස්පිටල්වල සල්ලි පුච්චනවා, ඇත්තටම 1100ක් දිලා අසනිප ගන්න එකාට 8500ක් දිලා සනිප වෙන්න බැරිද? ඌට ඒකට සල්ලි නැද්ද? බෝතලේ ගන්න විතරද සල්ලි තියෙන්නේ ? ඇයි අසනිප වෙන්න තමන්ගේ සල්ලි වියදම් කරන එකා සනිප වෙන්න අපි හැමොගෙම සල්ලි වියදම් කරන්නේ ඇයි? මොකක්ද සදාචාරය ? මොකක්ද සාධාරණත්වය? ඇත්තටම මෙහෙම හැම දේම පිනට දෙන එක දේශපාලන දර්ශණයක් නේද? (නැතිනම් පොදු දේපල උඩ තියාගෙන ඉන්න එක ) ඔවු ඒකට කියන්නේ සමාජවාදය/කොමියුනිස්ට්වාදය කියලා නොමිලේ අධ්‍යාපනය, නොමිලේ සෞඛ්‍ය, නොමිලේ කන්න, අදින්න, මේ හැම දෙයක්ම සමාජවාදි අදහස් නේද? සමහර විට ඔබට හිතෙනවා ඇති ඉතිං ඒක එහෙමනම් සමාජවාදය කොච්චර හොද ද කියලා ඒත් සමාජවාදයට පැවැත්මක් නැ මම බොරු නෙවෙයි කියන්නේ ඇයි 1991 සොවියට් රුසියාව කඩාගෙන වැටුනේ? ඇයි කියුබාව, උතුරු කොරියාව ජිවත් වෙන්න සුදුසු රටවල් වල අන්තිමටම ඉන්නේ, නැතිනම් ජිවත් වෙන්න අහිතකර රටවල් ලිස්ට් එකේ මුල් තැන ගන්නේ ? ඒ ගැන පොඩ්ඩක් හිතුවද? අවංකව කියන්න නිදහස් අධ්‍යාපනයට නිදහස් සෞඛ්‍යට අපේ රටේ කොච්චර සල්ලි වියදම් කරනවාද? සමෘද්ධිය, සීසන්, පාස් එක, නිල ඇදුම්, කොච්චර නම් දේවල් නිකං දෙනවද? (මේකට පිලියමක් මම නිකං දුන්නම නිකම්මු වෙනවා මහත්තයෝ කියන පොස්ට් එකේ දාලා තියෙනවා කැමති අය මෙතනින් බලන්න)

ඒවගේම දැන් දැන් යන තවත් කථාවක් තමයි ගෑනිටයි මිනිහටයි දෙන්නටම රස්සාවල් නැතිනම් අද රටේ ජිවත් වෙන්න බැ කියලා, අනේ අම්මපා අපේ තාත්තා ළමයි තුන්දෙනෙක් හැදුවා මගේ ගෑනිගේ අප්පා ළමයි තුන්දෙනෙක් හැදුවා අපේ යාළුවන්ගේ තාත්තලා ළමයි තුනක්-පහක් හැදුවා ඒත් ඒ එකෙක්ගේ වත් මගේත් ඇතුලත්ව අම්මලා ජොබ් කරන්නේ නෑ (මගේ ගෑනිත් නෑ, නැත්නම් මුන්ට එන ලොකුම ප්‍රශ්නේ ඕකනේ) දැන් කාලේ වගේම තමයි ඒකාලෙත් අපේ කාලෙට සාපෙක්ෂව ගනන් අඩුයි වගේ අපිට පෙනුනට ඇත්තටම ඒ අඩු ගාන හම්බ කරන්න සැහෙන මහන්සි වෙන්න වෙනවා, ගනන් හිලවු අඩු වැඩි උනාට ආදායම් වියදම් අනුපාතය අඩු හෝ වැඩි උනේ නෑ අනුපාතය ඒ ගානම තමයි. ගත්ත ගෑනිට කන්න, අදින්න, ඉන්න හිටින්න දිලා හදාපු ළමයිටත් කන්න, අදින්න දිලා, හොදට ඉගැන්නුවා ගෑනිගෙන කන්න බලාගෙන කසාද බැන්දේ නෑ, දෑවැදි බලාගෙන ගැනු ගත්තේ නෑ, තෝ එනකොට මොනාද ගෙනාවේ මේ ඔක්කොම මම හම්බ කරපුවා කියලා කවදාවත් කිවුවේ නෑ, මේක බලන බහුතරයකගේ තාත්තලා එහෙම තමයි මොකද ඒ අය නියම පිරිමි නිසා කවදාවත් ගත්ත නැතිනම් ගෙදරින් පන්නගෙන ආපු ගෑනිගෙන මොකවත් බලා පොරොත්තු උනේ නෑ, ඇත්තටම තමන්ගේ ඇගට අසනිපයක් උනාම ඒ අසනිපෙට බෙහෙත් ගන්න තමන්ලග හම්බකරපු සල්ලි නැති නැතිනම් හම්බකරගන්න බැරි මිනිහගෙන් මේ රටට වැඩක් තියෙනවාද? ඇත්තටම එහෙවු පුද්ගලයා රටට ලෝකෙට බරක් නේද? තමන් හදාපු දරුවන්ට උගන්නන්න තමන්ට සල්ලි හම්බකරන්න බැරිනම් එහෙවු දෙමාපියන්ගෙන් ඇති ඵලේ මොකක්ද? එහෙවු දෙමාපියන් හදාපු දරුවන් මේ රටට බරක් නේද? නැතිනම් තමන්ට ගමනක් යන්න ඕනි උනාම ඒ ගමන යන්න සල්ලි තමන්ට හම්බකරගන්න බැරි ගෑනියෙක්ගෙන් මිනිහෙක්ගෙන් ඇති වැඩේ මොකක්ද? මේ දේවල් වලට මම හම්බකරාපු සල්ලි දෙන්න ඕනිද?  

සයිතම් ප්‍රශ්නෙදි ආපු කතාවක් කියන්නම් කෝ සයිතම් ළමයෙක්ගේ දෙමාපියෙක් කිවුව කතාවක් මගේ සල්ලි වලින් ඉගෙන ගන්න හිගන්නු මගේ සල්ලි වලින් මගේම ළමයට උගන්නවට විරුද්ධව පෙලපාලි යනවා. ඇත්තටම ඒකෙත් ඇත්තක් තියෙනවා නේද? තමන්ගේ බර තමන්ගේ අත්වලින් උස්සන්න බැරි මිනිහෙක්ගෙන් වැඩක් නෑ

අදහසක් පිනට දෙන්න පුළුවන්ද ?

දෙයක් ලියාගන්න බැරිව යුටියුබ් ගියා අදහසක් ගන්න අම්මපා තිබුනු අදහසුත් නැතිවුනා එපා වෙනවා මම බිලෝග් එක පටන් ගන්න කොට හිතුවේ දවසට එකක් ගානේ මොනාහරි දාන්න පස්සේ එක සතියට එකක් වුනා පස්සේ මාසෙට දෙකක් වගේ උනා දැන් මාසෙට එකක් වත් බැ වගේ අනිවාරයෙන්ම කොහොම හරි අදහස් ගන්න මාර්ගයක් හොයාගන්න ඕනි

මගේ බූදලේ යකෝ.....

පරන බෝතල පත්තර කාරයෙක් ආවා අපේ අම්මා ගෙදර ලට්ට ලොට්ට ගොඩක් දේවල් දේවලප් ඔහුට දුන්නා. අන්තිමේදි මගේ ෆයිල් එකත් දෙන්න හැදුවා, ඒත් මම ඒක...