Sunday, 23 July 2017

කඩේ යන්න පටන් ගත්තද?



නිකලෝ මැකියෝවැලි, නීරෝ, හිට්ලර් වැනි පුද්ගලයන් ගැන සලකන විට ඔවුන් වැටෙන්නේ ලෝකයේ නරක මිනිස්සු කියන කුලකයට, නමුත් මේ හැමෝම ඔබට මට වඩා ඉස්සරහින් ඉන්න අය මොකද මේ අය ඉතිහාසයේ නම තියලා ප්‍රසිද්ධ වෙලා ඉවරයි වගේම ඔබ මේ ලෝකයේ නම තියපු ප්‍රසිද්ධ කෙනෙක් නම් ඔවුන් ඔබට කලින් තමන්ගේ නම තියලා ඉවරයි ඒ අතින් බලන විට ඔවුන් මේ ලෝකයේ බහුතරයක් පරද්දලා ඉවරයි.

මම හිතන්නේ නීරෝ ගැන ඔබ දන්නවා මමත් ඔහු ගැන ලිපියක් ලියුවා මෙතනින් ඒක බලාගන්න පුළුවන්. ඒ වගේම තමයි හිට්ලර් ගැන ඉතිං මම කියන්න ඕනි නෑනේ. පලමු ලෝක යුද්ධයෙන් පසු තමන්ගේ රටේ ජීවත් වෙන කම්කරුවන් වෙත් රටවල ජීවත් වෙන ධනවත් පුද්ගලයන් වගේ නොයෙක් රටවලට නිවාඩු කාලයට නිවාඩුව ගත කරන්න යන්න පුළුවන් වෙන තරමට තමන්ගේ රටේ ආර්ථිකය දියුණු කරපු පුද්ලයෙක්. (ඇ..හ්... ඔබට ඕනි දෙයක් කියන්න පුළුවන් ඒ නිදහස තියෙනවා ඒත මම කියන්නේ ඇත්ත ටිකක් හිතලා බලන්න මම දන්නවා ඒක ඔබට අමාරුයි කියලා මොකද ඒක කරන්න බැරි නිසා.) 

ඇත්තටම මම මේ ලිපිය ලියන්නේ නීරෝට වත් හිට්ලර්ට වත් නෙවෙයි. නිකලෝ මැකියෝවැලි වෙනුවෙන් ඇයිද කියලා මම කියන්නම්කෝ. අපි එකටම යමුකෝ, දන්නැති අයට දැනගන්නත් එක්ක කවුද මේ මැකියෝවැලි කියලා නිකලෝ මැකියෝවැලි කියන්නේ ෆෝලෝරන්ස් වල හිටිය සිවිල් පරිපාලන නිලධාරියෙක්. ජන රජ නිලධාරියෙක් කොහොම හරි ලොරේන්සෝ ද මෙඩිචී ෆෝලෝරන්ස් වල පාලන බලය ගත්තට පස්සේ ඔහුව ගම්බද ප්‍රදේශයට පිටිවහල් කලා ඒ කාලය තුලදී ඔහු විසින් ඔහුගේ ඉතාමත් ජනප්‍රිය පොතක් උනු ද ප්‍රින්ස් නැතිනම් කුමාරයා කියන් පොත ලියුවා. නමුත් එහි පල කිරිම සිදු උනේ ඔහුගේ මරණයෙන් අවුරුද පහකට පස්සේ (උගේ කරුමේ අපේ වාසනාව කියලා හිත හදාගනින්, නිවුටන්ට වගේ) කොහොම හරි මේ කුමාරයා කියන් පොතේ තමයි තියෙන්නේ මුළු ලෝකයේම මිනිස්සු අහලා තියෙන ජනතාවගේ ආදරයට පාත්‍ර වීමට වඩා ඔවුන්ගේ බියට හේතුව වීම වටිනවා එසේම සියල්ලේහිම වඩා වැදගත් වෙන්නේ අවසානයයි (අපේ රටේ විදියට කියනවානම් ඉතිහාසය විසින් මා නිවැරදි කරාවි) යන අපි විසින් වැරදියට වටහාගත් කරුණු දෙක.

නමුත් අපි හැමෝම දන්නවා වැඩක් කරන්න උපදෙස් දෙනවට වඩා වැඩක් කරන එක මාර අමාරුයි කියලා ඒ වගේ ම සමහර විට අපි වැඩක් කරනකොට සමහරු අපිට මහ ගොන් උපදෙස් දෙනවා කියන එකත් නමුත් අපි අනාගත්තට පස්සේ අපිට මතක් වෙනවා ඇත්තටම අපි අර ගොන් උදේශය කියලා අහක් කරපු එක පිලිගත්තා නම් මෙච්චර ඇන ගන්නේ නෑ කියලා, ඒ වගේම ඒ උපදේශය දීලා තියෙන්නේ පොළොවේ පය ගහලා ඉන්න මිනිහෙක් කියන එකත්. ඇත්තටම මැකියෝවැලි තමන්ගේ කුමාරයා පොතෙන් කරලා තියෙන්නෙත් ඒ වගේ වැඩක් අනාගන්න කලින් අනාගන්නේ නැතිව වැඩ කරන හැටි තමයි උපදෙස් දිලා තියෙන්නේ. අපි හැමෝම කැමති හරිම කාරුණික අනන්තයෙන් ආපු තරු කුමාරයා වගේ පොරක් අපේ රටේ පාලකයා වෙලා අපි ගැන හැම වෙලාවකම හොයලා බලනවට, ඒ වගේම අපි කැමති කවුරුහරි අපිට කෙලෙවුවොත් මේ අනන්තයෙන් ආපු තරු කුමාරයා වගේ ඉන්න පාලකයා ඇවිත් ඌට කෙලවනවට ඒත් ඇත්තටම ඒක කරන්න බෑ පාලකයෙක් පොලොවේ පයගහලා ඉන්න ඕනි. එහෙම ඉදගෙන පාලනය කරන්න, මොනාද කරන්න ඕනි කියලා පොලොවේ පය ගහලා ඉන්න මිනිහෙක් විදියටයි ඔහු උපදෙස් දිලා තියෙන්නේ. ඒකට හේතුව තමයි රාජ්‍ය පාලනය ලේසි වගේ පෙනුනට ඒක පට්ට අමාරුයි කියලා ඔහු දන්න නිසා.

Thursday, 13 July 2017

මිත්‍යා දෘෂ්ඨික මෝඩයෝ ...... විද්‍යාවේ නාමයක් දන්නේ නෑ



පෘථිවිය ඉර වටේ කැරකුනත් එකයි නැතත් එකයි මොකද මට සාපේක්ෂව මේ මුළු විශ්වයම කේන්ද්‍රවෙලා තියෙන්නේ මගේ වටේ නිසා. (සම්මුති අර්ථයෙන් ගත්තම) ඔබට අනුව මේ මුළු ලෝකයම කැරකෙන්නේ ඔබ වටේ මට අනුව මේ ලෝකයම කැරකෙන්නේ මගේ වටේ කවරදාකමවත් මගේ ලෝකය ඔබ වටා වත් ඔබේ ලෝකය මගේ වටාවත් කැරකෙන්නේ නෑ. මම මොනවා කරත් ඔබට මම පිට කෙනෙක් විතරයි. ඔබ මොනවා කලත් මට ඔබ පිට කෙනෙක් විතරයි. පරමාර්ථයෙන් ගත්කල අපි ඉරවටේ කැරකෙනවා තමයි ඒත් හැමදාම ඉරපායන්නේ මට මිසක් ඉරට පෘථිවිය පායන්නේ නෑ නේ ......

ඉතිං පෘථිවිය මේ විශ්වයේ මධ්‍ය යැයි කවුරු හරි කිවුවොත් ඌ මහ ගොනෙක් යැයි ඔබ කියාවි. නමුත් ඊලග පාර ඊට කලින් දෙපාරක් හිතන්න විශ්වයේ කෙන්ද්‍රය වෙන කොහේ හරි තිබුනයි කියලා ඔබේ ජිවිතයට මොකක්හරි දෙයක් උනාද? ඇත්තටම නෑ නේද? අපි ඉන්නේ අපට අවශ්‍ය විදියට අපිට සාපේක්ෂව මේ ලෝකය දුවනවා  නැතිව ලෝකයට සාපේක්ෂව අපි දුවනවා නෙවෙයි. 

මගේ වෙනස් විම මගේ වට පිටාව වෙනස් කරනවා මිසක් වටපිටාවේ වෙනස් වීම මාව වෙනස් කරන්නේ නෑ. (නමුත් වරදවා වටහාගන්න එපා ඇතැම් විට වෙනත් කෙනෙකුගේ වෙනස් විම නිසා වෙනස් වෙන පරිසරයට අනුව අකමැති උනත් අපිට වෙනස් වෙන්න සිදුවෙනවා) සමහර විට අපි දැණුමෙන් අන්ධ වෙන්න කලින් මෝඩකමන් ලෝකය දැකලා ඉන්න ඕනි මට මේ කතාව හිතුනේ පෘථිවිය ඉරවටා කැරකෙනවා, ඉර පෘථිවිය වටා කැරකෙනවා කියන කතාව ඇහුනට පස්සේ. නමුත් ඇත්තමට වෙන්නේ සෑම දෙයක්ම අපිට අනුව අපි අත්දකින් එකයි ඒ කියන්නේ හැම දෙයක්ම අපි වටේ කැරකෙනවා කියන එක. මට හිතාගන්න අමාරුයි ඇයි ගොඩක් අයට මේ ගැන හිතාගන්න අමාරු කියලා. මොකද අපි ඉර වටේ යනවා කියලා දැනගත්තා කියලා අපිට බිජු ලැබෙනවා යැ. 

සරළවම කිවුවොත් කවුරුහරි අපිට කිවුවම මේ ලෝකයේ මධ්‍ය අපි කියලා ඇත්තමට ඒකේ බොරුවක් වත් වැරැද්දක්වත් නෑ. ඇත්තටම ආගම් ඇත්ත කියපු විද්‍යාව බොරු කියපු දෙයක් තමයි අපි වටා ලෝකය කෑරකීම



Saturday, 8 July 2017

මගේ ප්‍රථම ආදරය



ආදරය ගැන මම දන්නේ බොහොම ටිකයි. මොකද මම තාම ආදර කරලා සාර්ථක උනේ නැති නිසා. ඒත් ආදරය ගැන දන්න ඇයෝ ගොඩක් ඉන්නවා ටෙලි නාටකයක, චිත්‍රපටියක ලංකාවේ / ඉන්දියාවේ බොහෝ දුරට කතාව පටන් ගන්නම හේතුව ආදරය. ආදරය නිසා කොල්ලා අවුරුදු ගානක් කරාටි ගහන අවුරුදු ගානක අත්දැකිම් තියෙන පුද්ගලයෙක්ව දවස් දෙකෙන් බල්ලෙක්ට වගේ ගහලා පන්නනවා, නැති නම් කෙල්ලත් එක්ක බාධක කරදර මැදින් පැනලා ගිහින් කසාද බදිනවා. නමුත් ආදරය කරපු අත්දැකිම් තියෙන අයට තියෙන ප්‍රශ්ණයක් තමයි තමන් කොච්චර ට්‍රයිකලත් තමන් මොනවා කලත් ඇතැම් විට තමා කැමති ගැණු ළමයා තමන්ට කැමති වෙන්නේ නෑ. ඒ වගේම තමයි, තමා එක්ක යාළු වෙලා ඉදලා අනිතිමේදි වෙන්වෙන ගැණු ළමයා දාසියක් වගේ වෙන කෙනෙක්ට වහල් වැඩ කරනවා, ගුටිකනවා, බැනුම් අහනවා, තමන් එක්ක යාළුවෙලා ඉද්දි වැරදීමකින් අත වැදුනත් පැය ගාණක් අඩන, වචනේ වැරදුනොත් මට සමාවෙන්න කියනකම් බුම්මගෙන හිටපු, නැති නම් වාහනේ නැතිව පයින් අඩියක්වත් තියලා එළියට බැහැපු නැති ළමයා ම තමයි මේ.

දැන් සමහරු හිතයි මූට මේ මොනාද වෙලා තියෙන්නේ කියලා? ඒ එක්කම හිතයි හොද වර්ගයේ බූට් එකක් සැරට කාලා ඇති කියලා, ඒත් ඇත්තටම මම මේ කිවුව කතා මගේ හිතට ආවේ ඉවාන් තුර්ගේනිව් මහතාගේ පළමු ආදරය කියන පොත කියවුවට පස්සේ. තකාවේ කතා නායකයා දුප්පත් නමුත් රූමත් වංශවත් තරුණ කෙල්ලක්ට ආදරය කරනවා, නමුත් ඇය ‍මොහුට වඩා අවුරුදු පහක් වැඩිමල් (අපේ අය පහුගිය කාලේ ඇහුවානේ මල්ලි කෙනෙක් අක්කා කෙනෙක්ට ආදරය කලාම මොකද කියලා) නමුත් අවාසනාවට ඔහු පමනක් නොවෙයි මැයගේ අත ගන්න බලාගෙන ඉන්නේ, ප්‍රභු පැලැන්තියට අයත් වෙන දොස්තර, කපිතාන්, ආදිපාද වරයෙක්, ව්‍යාපාරිකයෙක් වගේ චරිත හමුඋනත් අපේ කතා නායකයා එක සැරයක් ඇය වෙනුවෙන් කොතරම් ආදරෙයිද කියලා ඇට පෙන්වන්න ඔහු අඩි විස්සක් (මතක විදියට) උඩ ඉදන් බිමට පනිනවා, ඒ ඇය කියන නිසා. කෙසේ නමුත් ඇය අවසානයේ කැමති වෙන්නේ අපේ කතානායකයාගේ පියා හා අනියම් සම්බන්ධතාවයක් පැවැත්වීමටයි. නමුත් එහිදී ද එය ප්‍රසිද්ධියට පත්වීම නිසා පවුලේ අඩදබර ඇතිවීම් ඔහු ගේ සිත ගත් තරුණියගේ කුටියෙන් තම පියා එන සැටි, තම පියාගෙන් ඇය කස පාර කන හැටිත් එහිදී ඇය කිසිම අයුරකින් කෙදිරියක්වත් නොගා ඉවසාගෙන දරාගෙන ඉන්න හැටි, ඒ වගේම සත්‍ය ආදරය තුලින් ඔහුගේත් ඇයගේත් අවසාන හමුවීම හා ඇයගේ අවසන් තීරණය, මේ වගේ වර්ථමානයේ අපේ  කාලයට අයත් අපි විසින් අත්විදින සැබැ අත්දැකීම් රාශියක් එම කතාව තුල සමන්විතයි. ඒ වගේම ගැහැණු ළමයෙක්ම අපි ඉමහත්ඩලෙස ආදරය, කැපකිරීම්, පරිත්‍යාග කිරීම් කරද්දීත්, වෙන කෙනෙක් ලගට ගොස් ඇණුම් බැණුම් අහගෙන ගුටි කාගෙන ජීවත්වෙන්නේ ඇයි කියන එකටත් එයට හේතුවත්, පිලිතුරත්, පැහැදිලි කිරීමත් මෙම පොතේ (First love) තිබෙනවා, මම හිතන්නේ ආදරය කරනවා නම් නැතිනම් ආදරය කරන්න හිතාගෙන් ඉන්නවා නම් අනිවාරයෙන්ම මේ පොත කියවන්න ඕනි. 

හැම දේටම හේතුව සැබැ ආදරයයි. එය හිමිවීම හෝ නොවීම ඔබ විසින් ආදරය ඉල්ලන කෙනාගේ තීරණයයි. යන්නා වූ පදනම මත සිට ලියු මෙම නවකතාව රුසියානු සාහිත්‍ය යුගයේ ස්වර්ණමය යුගයේදී ලියවුනු ඉතාමත් ලස්සන ප්‍රේමණීය නවකතාවක්, ආදරය ගැන මගෙත් තිබුනු හුගක් ගැටළු වලට පිලිතුරු මේ කතාවෙන් මට ලැබුනා.

Sunday, 2 July 2017

රෝමය ගිණිගෙන අළු වෙනවා ..... නීරෝ වීනාව වයනවා



රෝමය ගිණි ගෙන අළුවෙද්දි නිරෝ වීනාව වැයුබව අපි ආසා ඇත්තෙමු. නමුත් ඇත්තටම ඔහු විනාව වැයුවද? යන්න ප්‍රශ්නාත්මකයි මන්ද යත් එම තොරතුරු සදහන් වන්නේ නීරෝගේ මරණයෙන් අවුරැදු දෙසියකට පසු නිසාය. නමුත් ඇත්තටම අපි හැමෝම නිරෝ ගැන දන්නේ ඔහු බොහොම විනෝදයෙන් රාජ්‍ය ගැන කිසිදු තැකිමක් තොරව රට පාලනය කල පාලකයකු ලෙසටය. එහෙත් ඇත්තටම ඔහු එහෙම පුද්ගලයකුනම් ඔහු තමන්ගේ රට අවුරුදු දහතුනක් පාලනය කලේ කෙසේද යන්න මා හට නිතැතින්ම නැගුණු ප්‍රශ්ණයකි. ඔහුගේ පාලන සමයෙහි එංගලන්තයේ බුඩිකානම් කාන්තාවක් රෝම පාලනයට විරුද්ධව කැරළි කොළහාල කරන්නට පටන්ගත්හ. එහිදි කැරළි කොළහල ඇතිවීමට පෙර ඔහු විසින් ගායස් සෙන්ටනියස් පලුනිස් නම් රෝම ජෙනරාල් වරයා එංගලන්තයට පිටත්කර හරින ලදී. එය ඔහු විසින් ගන්නා ලද ඉතාමත් ප්‍රශංසනාත්මක දේශපාලන තීරණයක්වේ. එසේම ඔහුවිසින් එංගලන්තයේ ජයග්‍රහණයේ සම්පූර්ණ ගෞරවය ගායස් සෙන්ටනියස් පලුනිස් හට ලබා දුන්නේ ඔහු යුධකාමියෙක් හෝ අනුන්ගේ පහනින් එළිය බලන අවස්ථාවාදියෙක් නොවන බව පෙන්වමිනි.

ඇත්තටම නීරෝ වනාහි ඉංජිනේරු‍වෙකි. මුළු රෝමය පුරාම රෝමය පාලනය කර ඇත්තේ ධනවත් ව්‍යාපාරිකයින්, යුධ විරුවන්, ඉංජිනේරුවන්, වෛද්‍යවරුන් වැනි ඉතාමත් බුද්ධිමත් පුද්ගලයන්ය, සමාජ වටිනාකමක් ඇති දැණුමක් තේරුමක් ඇති පුද්ගලයන් විසිනි. එම නිසා තමයි 1453දී රෝමය බිදවැටුනත් තවමත් අපි රෝමය ගැන කථාකරන්නේ, කෙසේ හෝ නිරෝ  හා ඔහුගේ ඉංජිනේරු සගයින් විසින් කොන්ක්‍රීට් යොදාගනිමින් ගොඩනැගිලි නිවාස ගොඩනැගිය හැකි ක්‍රමයක් සොයාගන්නා ලදී. මේ කාලය වන විට රෝමයේ ගොඩනැගිනි ගොහොමයක් ඉදිකර ඇත්තේ දැව වලිනි ඇත්තටම රෝම අධිරාජය තමයි වර්ථමාන ගිනිනිවිමේ හමුදාව වැනි භට පිරිසක් යොදාගත්තේ තමන්ගේ නගරයේ ඇති වන ගිනි නිවීම සදහා. එයට හේතුව වන්නේ රෝමගේ දැව ගොඩ නැගිලි නිරන්තරයෙන්ම ගිනිගැනීම් වලට හසුවිමයි. නමුත් නීරෝගේ මේ අළුත් සැලැස්ම ක්‍රියාත්මක කිරිමට අවස්ථාවක් ලැබුනේ නැ.

කෙසේ නමුත් ඔහුගේ යෝජනාව සෙනෙට් සභාව විසින් ප්‍රතික්ෂේක කල පසු ගතවූයේ දින කිහිපයකි නව කැරළිකාර ආගමක් වූ ක්‍රිස්තියානීන් පිරිසක් විසින් ඇතිකල ගින්නකින් රෝමය ගිණිගන්නට පටන් ගැනිනි. නිරෝ අධිරාජ්‍යා විසින් පුද්ගලිකවම තමන්ගේ පරිවාර සෙබලුන් සමග ගිනිගන්නා ස්ථානයන්ට ගොස් ගින්න නිවිමට පෞද්ගලිකවම සහභාගිවිය. ගින්නෙන් ගිනිගන්නා නිවාස ගොඩනැගිලි ඇතුලට නිර්භිතවගොස් එහි කොටුවී සිටි වැසියන්ව බේරාගන්නා ලදී. නමුත් අවසානයේදී ගින්න විසින් රෝමය අලුකර අවසන්ය. නමුත් දැන් සෙනෙට් සභාවට නිරෝ විසින් ඉදිරිපත් කල නව කොන්ක්‍රිට් නිවාස ව්‍යාපෘතිය ප්‍රතික්ශේප කිරීමට නොහැකිවිය. නැවත කවරදාකවත් රෝමය ගිනිගැනීමේන් ඇතිවන්නාවූ විපත්වල ගොදුරක් නෙවිමට මේ ශ්‍රේෂ්ඨ රාජකීය රජු විසින් කොන්ක්‍රීට් නිවාස ඉදිකරන්නට විය. අදටත් නටබුන් වශයෙන් රෝමයට ගියවිට අපි දකින්නේ නිරෝ හා ඔහුගේ පසුකාලීනයන් කොන්ක්‍රිට් වලින් කල නිවාස ගොඩනැගිලි ආදියය.

ඔහුගේ රාජකීයත්වයට හා ඉංජිනේරු විස්කම් වලට ඊරිෂියාකලා වූ පිරිස් ඔහු විසින් රෝමයේ ගින්න ඇති කල බවට කටකතා පතුරවන්නට විය. එසේම පසු කාලීනව රෝමය ගනිගනිද්දි නීරෝ නම් වූ මහා ශ්‍රේෂ්ඨ අධිරාජ්‍යා වීනා වැයු බවට ඔහුට අපහාස කරන්නට විය. නමුත් අපි විසින් එය නිවැරදි කලයුතුය, එය අපගේ යුතුකමකට වඩා වගකිමක් වන්නේය.

කඩේ යන්න පටන් ගත්තද?

නිකලෝ මැකියෝවැලි, නීරෝ, හිට්ලර් වැනි පුද්ගලයන් ගැන සලකන විට ඔවුන් වැටෙන්නේ ලෝකයේ නරක මිනිස්සු කියන කුලකයට, නමුත් මේ හැමෝම ඔබට මට වඩා ඉස...