Tuesday, 30 May 2017

ලගින් හිටිය නැති ටික කාලෙට ඔයා හුගක් වෙනස් වෙලා

අපේ රටේ පෙම්වතුන්ට තාමත් තියෙන්නේ සාමානයෙන් අඩු පිලි ගැනීමක්. ඔවුන්ට ඔවුන්ට නිදහසේ කථාකරන්න විදියක් හොයාගන්න හරි අමාරුයි, එක්කො කොහේ හරි අකුලකට රිංගන්න ඕනි නැතිනම් රූම් එකකට යන්න ඕනි, එතකොට වෙන්නේ දෙන්නා දෙන්නව අදුනගන්න එක පැත්තකින් තියලා දෙන්නා වෙන වෙන දේවල් කරන එකයි. ගොඩක් වෙලාවට අපේ පෙම්වතුන් ඉන්නේ පාරේ, නැතිනම් අපි කියන්නේ මහ මග කියලා අන්න ඒකේ තමයි. මෙහෙම ඉන්න කොට පොඩි ප්‍රශ්ණයක් එනවා, මම මේ කියන්නේ සාරධර්ම, සදාචාරය වගේ ලොකු ප්‍රශ්ණ නෙවෙයි මේක බොහොම පොඩි දෙයක් මේ මග නැතිනම් පාරේ එහෙමත් නැතිනම් අකුලක හම්බවෙන පෙම්වතුන් හම්බ වෙන්නේ සති දෙක තුනක් නැතිනම් මාසයක් හමාරක් පෙරුම් පුරලා, කල් අල්ලා. මුන් දෙන්න හම්බ උන ගමන් ඉස්සල්ලම කරන්නේ ඊළග පාර හම්බවෙන්නේ කොහොම ද, කියට ද, කොතැන ද, කියන එක. ඊට පසසේ කථා වෙන්නේ තමන්ගේ ගෙවල් වලින් කැමැත්ත ගන්න ගහන දහං ගැට ගැන, සරලව කියනවා නම්  කොහොමද ගෙදර ඇයොන්ව අන්දන්නේ කියන එක. 

කොහොම මේ දෙන්නගේ ප්‍රේමය ඵල දරලා, දෙන්නා බැදලා, හනිමුන් එකට ගිහින් සතියක් විතර ගියාම තමයි වැඩේ පටන් ගන්නේ, එත කොට දෙන්නම මුලින් මුලින් අගවන්නේ නැති උනත් නිතර නිතර කියන දෙයක් තමා මෙයා ලව් කරන කාලේ නම් මෙහෙම නැ කියන එක. බැන්දට පස්සේ ගොඩක් වෙනස් වෙලා කියලා. පහු පහු වෙකොට කොහු කොහු වෙලා දික්කසාදෙටත් මේ වෙනස් වීම තමයි බලපාන්නේ. ඒත් ඇත්තටම මොකක්ද වෙන්නේ කියලා අපි දන්නේ නැ, අපි ඒ වෙලාවේ දෙන්නගේ තියෙන ගැටුම්, වැටුම් සහ කොඩිවින කලා යැයි කියලා හිතාගෙන, නැතිනම් දෙන්නව වෙන් කරන්න එක එකා ඊරිසියාවෙන් ට්‍රයි කරනවා කියලා හිතාගෙන එක එක ප්‍රතිකර්ම කරන එක උනාට ඇත්තටම උනේ මුන් දෙන්නා ලව් කරන කාලේ දෙන්නව ඇත්තටම අදුනන්නේ නැති එකයි. ලව් කරන කාලේ මුන් දෙන්නා මුන් දෙන්නව අදුනගන්න එක පැත්තකින් තියලා කලේ හම්බවෙන්න ට්‍රයි කරන එක. ගෙවල් වලින් කැමැත්ත ගන්න ට්‍රයි කරන එක වගේ වැඩ, ඇත්තටම මේ වැඩ ලව් කරන කාලේ දෙන්නට දෙන්නා දැන අදුනගන්නවට වඩා වැදගත් වැඩ තමයි මේවා. ඉතිං තමන් ලව් කරන කාලේ මෙහෙමයි කියලා හිතාගෙන හිටිය කෙනාගේ ඇත්ත තත්වය මතුවෙන්නේ නැතිනම්, ඇත්ත තත්වය තමන් දැන ගන්නේ බැන්දට පස්සේ, මොකද එතකොට නේ නිදහසේ තමන් මොකාද මේ ගත්තේ කියලා දැනගන්න පුළුවන් වෙන්නේ හැබැයි එතකොට පරක්කු වැඩි. 

ඉතිං සැබැවටම තමන්ගෙ සහකාරයා / සහකාරියගේ තත්වේ දැනගත්තට පස්සේ කියන්න තියෙන්නේ ලගින් හිටිය කාලෙට වඩා බැන්දට පස්සේ ඔයා හුගක් වෙනස් වෙලා කියලා තමයි.

Saturday, 20 May 2017

ඔවු ඔවු FCID තමයි යන්නේ මොකක්ද අවුල?



ඔවු මහත්තයා ඔයාට ගොඩක් සල්ලි ඇති ඒත් අපි හැමෝටම සල්ලි ඕනි, හැමෝටම! ප්‍රශ්නේ තියෙන්නේ එකට පිටිපස්සෙන් බිංදු කීයද කියන එක විතරයි. (ඔවු ඒක නම් ඇත්ත කියලා මටත් හිතුනා) මේ කතාව මට කිවුවේ ඉන්ටර්වීව් එකකට යන්න සේව සහතිකයක් ගන්න පුළුවන්ද කියලා අහගෙන ආපු ළමයෙක්ගේ තාත්තා කෙනෙක්ගෙන් ඇත්තටම පගාව කියන්නේ කොච්චර බලයක් තියෙන දෙයක්ද කොච්චර වදින දෙයක්ද කියන එක ඒදා ඒ වචන ටික ඇහුවම මගේ හිතට පුදුම විදියකට කා වැදුනා, 

ඒත් වැදගත් මහත්මයෙක් කියන්නේ එකට පිටිපස්සෙන් වැටෙන බිංදු ගානට වහල් නොවී වැඩ කිරීම නේද කියන එක මගේ හිත කෑගහලා කියන්න පටන් ගත්තා. ඒත් ඇත්තටම මානුෂිය මට්ටමින් බැලුවම තාත්තයි දරුවයි දෙන්නම එලවන එක මට කරන්න පුළුවන් දෙයක්ද ළමයෙක්ගේ අනාගතය වෙනුවෙන් තාත්තා කෙනෙක් නොකරන දෙයක් නෑ මම උනත් එහෙමයි ඒත් එතකොට මම මහත්තයෙක් වෙන්නේ කොහොම කලොත්ද? ළමයට උදවු කලොත්ද? නැතිනම් ළමයවයි තාත්තවයි එළවලා දැම්මොත්ද? 

මම ළමයාගේ තාත්තවයි ළමයවයි ඇතුලට ගෙනනවා ගෙන දෙන්නම කරන වැඩේ බරපතල කම කියලා දුන්නා විශේෂයෙන් පගාව දීම හා ගැනීම දෙකම නීතියෙන් වරදක් නිසා. ඒත් අනිතිමේදි මම කලේ මගෙත් ඇග බේරාගෙන ළමයවත් ගොඩ යවන වැඩක් මම ඉස්සල්ලම ළමයට පුළුවන් වැඩ මොනාද කියලා බැළුවා බැරි වැඩත් මොනාද කියලා බැළුවා මෙහෙම බලලා මම මගේ යාළුවෙක්ට කතා කරලා ළමයෙක් එවනවා මේ මේ ටික පුළුවන් ඒවා දාලා සේවා සහතිකයක් දෙන්න පුළුවන්ද ඇහුවා. 

මෑන් හැබැයි බෑ කියන්නේ නෑ හේතුව තමයි මෑන් විශ්වාස කරන්නේ මේ වගේ දෙයකින් මහත්තයා කම ලැබෙන්නේ ළමයට උදවු කලාම කියලයි. කොහොම හරි මේ වැඩෙන් මගේ තත්වය (මොරාල් එක) ගැන විවෘත්තව බලන්න මට අවස්ථාවක් ලැබුනා වගේම ඒ ගැන මම පාඩමකුත් ඉගෙන ගත්තා.

Sunday, 14 May 2017

එහෙමද ආසා


අපි හැමෝටම ජිවිතයේ විවිධ අවස්ථාවල විවිධ දේවල් හිතිලා තියෙනවා විවිධ හේතු කාරනාමත, නමුත් මුලික වශයෙන් සරලව ගත් විට අපිට මේ හිතෙන දේවල් ඇත්තටම කොටස් තුනකට වෙන් කරන්න පුළුවන් කියලයි කියන්නේ

පලවෙනි එක තමයි

ඉස්සරත් නැ දැනුත් නැ එහෙම නැතිනම් ඉස්සර තිබුනා දැන් නැ අපිට යමක් ලගා කරගන්න බැරි උනාම නැතිනම් වෙන කෙනෙක් ගාව අපි ලගා කරගන්න උත්සහ කරපු දෙයක් තිබෙනවා දැක්කම අපිට තිබිලා මොනයම් හෝ හේතුවක් මත අහිමි වු දෙයක් දකින විට අපිට ඇතිවෙන ඉරිසියාව නිසා දුක වාවාගන්න බැරිව අපි අපිම සනසාගන්න කියන දේ තමයි මේ, නැතිනම් බිරිද සැමියට තමන්ගේ තරහා වේදනාව පිට කර ගන්න අපි කියන දේ තමයි මේ.

දෙවන කාරණය තමයි

එහෙ තියෙනවා මෙහෙ නැ නැතිනම් ඌට/ඒකිට තියෙනවා මට/අපිට නෑ අපි ගොඩක් වෙලාව අපේ උවමනාවන් පස්සේ පන්නාගෙන යන කොට අපි කියන දෙයක් තමයි මේ. ඇත්තටම මේ කථාව අපේ කාන්තා පිරිමි දෙපාර්ශවයම අතර තියෙනවා, ඉස්සර නම් කිවුවේ මේ කථාව තියෙන්නේ කාන්තා පාර්ශවය අතර විතරයි කියලා, නමුත් දැන් එක පිරිමි පාර්ශවයටත් ඇවිත්, නැතිනම් ඒ කාලේ ඉදන්ම පිරිමි තුල මේක තිබුනත් දැන් දැන් තමයි ඒ ගැන කථාකරන්න පටන්ගත්තේ.

තුන්වෙන කාරණය තමයි

දැන් නෑ ඒ උනාට ඉස්සරහට ලැබෙයි ඇත්තටම අපි හැම දෙයක්ම කරන්නේ මේ දෙය නිසා තමයි. ණයක් ගන්නේ, රස්සාවක් කරන්නේ, මැරිගෙන හම්බ කරන්නේ, බැංකු පොත බිංදු වලින් පුරවන්නේ දැන් නැති උනාට ඉස්සරහට තියෙයි කියලා හිතාගෙන. උදාහරණයකට කිවුවොත් තව අවුරුදු දහයකින් කාර් එකක් ගන්නවා ඒ නිසා දැන් දවසකට පැය තුන ගානේ අම්මා, තාත්තා, ගෑනි, දරුවෝ, යාළුවො හැමෝම අතහැරලා ඕටී කරනවා, නැතිනම් දැන්ම දෙන්න බෑ ඒත් තව අවුරුදු පහකින් ප්‍රමෝෂන් එක දෙන්නම් ඒ නිසා දැන්ම ඉදන් හැම දෙයක් ම අමතක කරලා එක ගැම්මට දවල් රෑ නැතිව වැඩ කරන්න ඕනි, ඇත්තටම ටිකක් වෙලාව අරන් හිතුවොත් අපි හැමෝම හිර වෙලා ඉන්නේ මේ මායාවේ නේද? දැන් නැ ඒත් ඉස්සරහට ලැබෙයි කියන එකේ.

අපේ සිතිවිලි වල ප්‍රධානම කොටස් තුන තමයි මේ (දන්න තරමින් මම සියල්ලදත් නෙවෙයි නේ සමහර විට වැරදිත් ඇති එහෙම උනොත් කියන්න වෙනස්කරලා හදාගමු, සහයෝගයෙන්) ඒත් ඇත්තටම මේ කොටස් තුන ගැන හිතන කොට අපි කොච්චර ගොන්නු ද කියලා මට හිතෙනවා අප්පා.....

මිෂන් ෆේල් වගේද?



අපි හැමෝම සාර්ථක ජීවිතයක් ගත කරන්න ආසයි, මොකා මොන බයිලා ගැහුවත් අපි හැමෝම සාර්ථක ජිවිතයකට හීන දකිනවා, බලා පොරොත්තු වෙනවා එක විදියකින් හෝ තව විදියකින්, ඉතිං අපිට අනුව සාර්ථක ජිවිතයක් කියන්නේ තට්ටු දෙකේ ගෙයක් (අඩුම තරමින්) කාර් එකක්, කොටියක්වත් වියදම් වෙච්ච වෙඩින් එකක්, සුපර්මෑන් වගේ දරුවෙක් හැබැයි අපි කාටත්, මම කියන්නේ හැමෝටම මේ දේවල් නෑ ඇත්තම අපි හැමෝම හිතාගෙන ඉන්නේ අපි සාර්ථක නෑ කියලයි. අපි ඇවිල්ලා අසාර්ථක රටක ජීවත් වෙන අසාර්ථක කාළකණ්නි මිනිස්සු ටිකක් කියලා, ඒත් මම කිවුවොත් අපි හිතාගෙන ඉන්න විදිය වැරදී අපි හැමෝම නැතිනම් බහුතරයක් සාර්ථකයි කියලා? ඔබ මගෙන් අහයි හා එහෙමනම් මොකක්ද සාර්ථකයි කියන්නේ කියලා ඇත්තටම සාර්ථකත්වය මොකක්ද කියලා මට නිර්වචනය කරන්න බෑ (ඇත්තම කිවුවොත් සාර්ව සාර්ථකත්වය කියන්නේ මොකක්ද කියලා මම දන්නේ නෑ) ඒත් මම දන්නවා සාර්ථක වෙන්න ඕනි කරන අවම සුදුසුකම් නැතිනම් සාර්ථකත්වයේ බේස් ලයින් එක. (Who’s laughing now, Bill Gates?) සරළයි කොටස් තුනක් තියෙනවා

පළවෙනි කොටස

අධ්‍යාපනය අවසන් කිරීම, ඒ කියන්නේ විධිමත් අඛණ්ඩ අධ්‍යාපනය නිසියාකාරයෙන් අවසන් කිරීම, ගොඩක් අයට අ.පො.ස උ/පෙළ වගේම තවත් පිරිසකට උපාධිය, නැතිනම් බාහිර උපාධිය, නැතිනම් එච්.එන්.ඩී ය, ටෙක්නිකල් කොලීජියේ උපාධිය කොහොම හරි ඒක පුද්ගලයාගෙන් පුද්ගලයාට වෙනස් ඒත් වඩා වැදගත් අධ්‍යාපනය අවසන් කිරීම නිසායාකාරයෙන්

දෙවන කොටස

අධ්‍යාපනය අවසන් කිරිමට පෙර හා රැකියාවක් ලබා ගැනීමට පෙර විවාහ නොවීම හා දරුවන් බිහි නොකිරීම (අපේ භාෂාවෙන් කියනවානම් බඩ දරු නොවීම) කාන්තා පිරිමි දෙපාර්ශවයටම අදාළයි, අපේ රටේ අධ්‍යාපනය නිමා කරන්න කලින් කොච්චරනම් ගැණු ළමයි පැනලා යනවද? මගේ පෞද්ගලික අත්දැකීම් වලට අනුව අපේ පන්තියේ ඉස්සල්ලම ගැණු ළමයෙක් පැනලා ගියේ 8 වසරෙන්, එතැන්නි පටන් ගත්තම 12 වසරෙන් තමයි අවසන් උනේ 12ට ආවමත් කෙල්ලෙක් පැනලා ගියා, ඒවගේම තමයි පාසල් සමගේ ගැබ් ගැනීම්, මේ දෙත් උනා, අනිත් කාරණය තමයි අධ්‍යාපනය අවසන් නොකර රැකියා සදහා යොමු වීම (ගොඩක් වෙලාවට අපේ ගුරුවරුන් ඒකට වග කියන්න ඕනි කියලයි මම කියන්නේ, මගේ පෞද්ගලික අත්දැකිම් අනුව) අධ්‍යාපනයට ඇති අදක්ෂකම නිසා හෝ පවුලේ අග හිගකම්, තමයි අපිට ඇයි කියලා ඇහුවොත් ලැබෙන ප්‍රධානම පිලිතුරු. කෙසේ නමුත් අධ්‍යාපනය අවසන් කිරිමට පෙර හා රැකියාවක් ලබා ගැනීමට පෙර විවාහ නොවීම හා දරුවන් බිහි නොකිරීම ජිවිතයේ ඉතා වැදගත් දෙයක් වනු ඇත.

තුන්වන කාරණය තමයි

රැකියාවක් ලබා ගැනීම, රැකියාව මොකක්ද කියන් එක නෙවෙයි ප්‍රශ්ණය, වයිට් කොළර්, බ්ලු කොලර්, නොන් කොළර් ද කියන එක නෙවෙයි ප්‍රශ්ණය රැකියාවක් ලබා ගැනීම හා රැකියාවේ රැදිසිටිම, එම රැකියාවේ නිපුණ ශිල්පියකු නැතිනම් වෘත්තිකයකු වීම (ප්‍රොපෙෂනල් වීම) ඇත්තටම කිවුවොත් රැකියාවක් ලබා ගැනීම ලේසි උනාට රැකියාවෙ රැදිසිටිම අමාරුයි, ඔය හැම එකටම වඩා අමාරුයි රැකියාවේ ප්‍රොපෙෂනල් වීම.

කොහොම හරි දැන් හැමොටම වගේ හිතෙයි යකෝ අපිට මේ කියන දේවල් ඉහටත් උඩින් තියෙනවනේ කියලා........ ඒ නිසා තමයි මම කිවුවේ සාර්ව සාර්ථකත්වය මොකක්ද කියලා නොදන්නවා උනාට අපි සාතිශය බහුතරයක් සාර්ථකයි, නැතිනම් සාර්ථක ජිවිතයක් ගත කරනවා කියලා, ඇත්තටම අපි අවමය සම්පුර්ණ කරගත්ත නිසා, අමාරුවෙන් කට්ට කාලා පස්සේ මදේ කනවා අයිසේ කියලා අර පොල් ගෙඩිය කන රිලවා කිවුවා වගේ දැන් ඉතිං හිත හදාගෙන කට්ට කන එක තමයි ඇත්තේ.

Saturday, 13 May 2017

කවුන්සිලිං

අනේ අයියේ ඔයා වැඩක්ද?

ඇයි මොනාද ඕනි?

නෑ එහෙම මුකුත් නෙවෙයි,

එහෙනම් පලයං මට වැඩ තියෙනවා

නෑ අයියේ මේ.....

මොන මගුලක්ද? කියනවා ඕයි කියන්න තියෙන දෙයක්

නෑ මගේ බොයි ......

ඇයි උබේ බෝයියා ගගේ ගියාද?

නෑ නෑ මට කියනවා රූම් එකකට යමු කියලා ඒකයි.

ඇයි දැන් උඹට බෑ වගේද?

නෑ එහෙමත් නෑ

එහෙනම් මොන මගුලටද මෙතන ඉන්නේ පලයං බං මට වැඩ තියෙනවා

නෑ ඒත් මට බයයි වගේ

ආ..... ඇත්තද හොදයි ඒක වත් එහෙම උන එක

දැන් මොකද වෙන්න ඕනි

මම මොකද කරන්නේ අයියේ

නංගි මම දන්න සෑස්තරෙන් අවවාදයක් දෙන්නනම්, ඊට කලින් මට කියපං කෝ ඇයි ඔය රූම් ගානේ ගාටන්න බෝයියට ගායක් ගහලා තියෙන්නේ

නෑ නිකං ලු මාව කිස් කරන්න ඕනි ලු ඒකයි.

හා ඒකනම් කමක් නෑ ඉතිං මොකො මෙහෙ කිස් කරගන්න වැටකේ පදුරක් වත් නෑනේ
නංගි ඒක නෙවෙයි අහපංකෝ

කියන්න අයියා

නංගි හදා ගන්න බැරි දේවල් කඩා ගන්නේ නැතිව හිටපං තේරුනාද?

හ්ම්...

හරි හරි දැන් පලයං උඹට කවුන්සිලිං කලා කියලා මගේ වැඩ ටික අහවර වෙන්නේ නෑනේ

මගේ බූදලේ යකෝ.....

පරන බෝතල පත්තර කාරයෙක් ආවා අපේ අම්මා ගෙදර ලට්ට ලොට්ට ගොඩක් දේවල් දේවලප් ඔහුට දුන්නා. අන්තිමේදි මගේ ෆයිල් එකත් දෙන්න හැදුවා, ඒත් මම ඒක...