Tuesday, 12 March 2019

Sunday, 10 March 2019

අපේ හැටි, වර්තමාන හා අනාගත

අපේ රටේ හැමෝම බලන් ඉන්නේ නිංක දෙන පංගුව දිහාය. භාණ්ඩයක් ගන්න ගියාම ඩිස්කවුන්ට්, ෆීරි ඉෂු, සේවාවක් ගන්න ගියාම ලෝයල්ටි රිවෝඩ් නමුත් ඔබ නිකමට වත් හිතුවාද යම් දෙයක් නිකං ගන්නවා කියන්නේ එම නිෂ්පාදනය කල පුද්ගලයාට සිදුකරණ අසාධාරණයක් බව? 

මෙහෙම හිතමු අපි හාල් කිලෝ 10ක් ගත්තම කිලෝ දෙකක් නිකං දෙනවා කියලා ඒ නිකං ලැබෙන කිලෝ දෙක වෙනුවෙන් ගොවියා, හාල් සකසන්නා, වෙළෙන්දා වුන මහන්සිය වෙනුවෙන් අපි කිසිම මුදලක් ගෙවන්නේ නෑ. එතකොට ඒ සදහා වැය වුන කාලය, ශ්‍රමය, ධනය වැනි දෙවල් නිකංම නාස්ති වෙනවා එක ඇත්තටම බල පාන්නේ අපිටමයි මොකද නිකං දෙන දේටත් අපි සල්ලි දෙන කොටසට අල්ලලා සල්ලි දෙන්න ඕනි නිසා.

ඒ වගේම තමයි ඔබ ජීවිතේට කිසිම දෙයක් නිකං ගන්න එපා මොකද, ලාබ බඩුවේ හිලක් තියෙනවා නම් නිකං දෙන බඩුවේ කොහොමට ඇත්ද? ඒ වගේම කිසිම සෙයක් ණයට ගන්න එපා, නිසි වටිනාකම තමන්ගේ මහන්සියෙන් නොගෙවා කිසිම දෙයක් ගන්න එපා. 

අපේ රටේ තව තියෙන ප්‍රශ්ණයක් තමයි පුද්ගලයකුගේ වෙනස්වීම පිළිගැනීමට අකමැති බව, අපේ සමාජයේ පුද්ගලයකුට වෙනස් වීමට ඇති අවකාශය ඉතාමත් සීමිතය. 

ඉදිරි අනාගත වසර 50ක කාලය තුල ලංකාව වෙලාගන්නා ප්‍රධාන ගැටළු තුනක් වන්නේ මානසික ඒකාග්‍රතාවය ඇති පිරිසක් බිහිකිරීම, ළමා රැකවරණය සැලසීම, හා ලෙඩ වූ හා වැඩිහිටි රැකවරණය සැලසිමය. ළමා රැකවරණය සැලසීමට ඇති ඩේ කෙයාර් වල ඇති ප්‍රශස්තභාවය හා දරුවෙක් හදා වඩා ගැනීමට දෙමව්පියන්ට ඇති අවිවේකය (දෙමාපියන් දෙදෙනාම රැකියාවට යෑම, විදේශගත විම වැනි) කරුණු සරළව දැක්විය හැකිය.

එමෙන්ම මේ හේතු නිසාම තම දෙමාපියන් හෝ දරුවන් රෝගී වූ විට රෝහලේ නැවැත්වීමට උපස්ථායකයන් සෙවීමට සිදුවිම හා දින වැටුපට මුදල් පදනම මත ඔවුන්ව සේවයට යොදා ගැනීමට සිදුවීම දැකිය හැක. විශේෂයෙන් දරුවන් රෝහල් ගත වූ විට රැක බලා ගැනීමට දෙමාපියන් ඉදිරිපත් වූවද දෙමාපියන් රෝහල් ගතවූවිට ඔවුන් ලග නැවතීමට දරුවන් ඉදිරිපත් නොවීම සාධාරණව පෙනෙන කාරණයකි. එයට හේතුව වනුයේ දරුවන් රැකියාව ඔවුන්ගේ එකම ආදායම් මාර්ගය වන බැවිනි. 

Friday, 30 November 2018

සමානාත්මතාවය


කාන්තාව හා පිරිමියා වෙනස් වෙන්නේ හේතු දෙකක් මත පමණි
01.   සමාජමය හේතු
02.   ජීව විද්‍යාත්ම හේතු
මෙහිදී ඔබ සමාජමය හේතු අවම කිරීම සිදුකරන තරමටම ජීව විද්‍යාත්මක හේතු උපරීම වීම සිදුවේ.
එසේම මනෝ විද්‍යාත්මකව කාන්තාව හා පිරිමියා වෙනස්වෙන්නේ
01.  පිරිමියා ද්‍රව්‍යන්ට කැමැත්ත දක්වයි
02.  ගැහැණිය පුද්ගලයන්ට කැමැත්ත දක්වයි
(බොහෝ දුරට)
සමානාත්මතාවය උපරිම සමාජයක් බිහි කිරීමට නම් සිදුකලයුත්තේ සමාජයේ සිටින පුද්ගලයන්ට තෝරාගැනීමේ අවස්ථාව උපරිමව ලබා දීමය. නමුත් මෙහිදී ඇතිවන ප්‍රශ්ණය නම් තෝරාගැනීමේ අවස්ථාව උපරිම වන විට ඒක පුද්ගල වෙනස්කම් ද උපරිම වීමය. එසේ වූවද තෝරා ගැනීම් සීමා කිරිම තුලින් සමානාත්මතාවය උපරිම සමාජයක් බිහිවන්නේ නැත.
මෙහිදී ඔබට තෝරා ගැනීමට ඇත්තේ සමානාත්මතාවය උපරිම සමාජයක් හෝ ඒක පුද්ගල විවිධත්වය උපරිම සමාජයක් පමණි. මෙම අවස්ථා දෙකම එකවර ලගාකර ගත නොහැකිය. මන්ද යත් මිනිසාගේ ඇති ජීව විද්‍යාත්මක වෙනස්කම් සමාජ ඉංජිනේරු විද්‍යාවෙන් වෙනස්කල නොහැකි නිසාය.
මෙහිදී ඇතිවන ජනප්‍රිය මාතෘකාවක් වනුයේ කාන්තා විමුක්තියයි.
කාන්තා විමුක්තිය ලැබෙන්නේ සමාජ ප්‍රතිපත්ති හෝ සමාජ ඉංජිනේරු විද්‍යාව නිසා නොව, විද්‍යාව හා තාක්ෂණයේ දියුණුව නිසාය.
උදාහරණ
01.   උපත්පාලක කොපු හෝ පෙති      -           කාන්තාවන්ට ලිංගික ඇසුර ලබා ගැනීමේදි පිරිමියාට මෙන් අවශ්‍ය මොහොතේ හෝ දිනයේ දී සිදුකිරිමට නොහැකිය, මන්දයත් ජීව විද්‍යාත්මකව ඒ සදහා සීමා පැනවී ඇති නිසාය. කාන්තාව හා පිරිමියා අතර ඇති මෙම අසමානතාවය පරිනාමනයේදි කාන්තාව හා පිරිමියා හැසිරිම් රටා දෙකක් (මූලික වශයෙන්) දක්නට ලැබේ. නමුත් උපත්පාලක කොපු හෝ පෙති සමාජ ගතවීමෙන් පසු කාන්තාවටද පිරිමියාට මෙන්ම ජීව විද්‍යාත්මක බාදකය බිද දමා පිරිමියා හා සමාන නිදහසක් භුක්ති විදිමය.
02.   පිරිසිදුකම          -           මම මේ කියන්නේ කාන්තාවක් ඇදේ තියලා බලන පිරිසිදුකම නොවෙයි. සැබැ පිරිසිදුකම සනිපාරක්ෂක පහසුකම්, අපද්‍රව්‍ය බැහැරකිරීමේ පහසුකම්, ගේදොර හා අවට පරිසරය පිරිසිදු කිරීමේ පහසුකම් ආදියයි. වැසිකිලි පහසුකම් පෙර පැවතියේම නැති තරම්ය එනම් අවශ්‍යතාවය මතු වූ වහාම කැළයට දිවීමද, පසුකාලීනව ගෙදර අහල පහල පිහිටි වැසිකිලියට යැම හා ඊටත් පසුව නිවසතුලදීම (වොෂ්රූම්/බාත්රූම්) එම පහසුකම් සලසාගැනීමට හැකිවන ලෙස තාක්ෂණය දියුණුවීම, අපද්‍රව්‍ය බැහැර කිරීමට පෙරනම් කලේ ගෙදර තිබෙන කුණු ගෙදර වලකට දමා පිලිස්සීමට, (මෙය දැන්ද දකිය හැක.) අපද්‍රව්‍ය බැහැරකිරීමට කාණුපද්ධති, ගලිබවුසර් සේවා, කුණු රැගෙන යෑමේ සේවා ආදිය මෙන්ම වොෂින් මැෂින්, පිගන් සෝදන මැෂින්, වැකුම් ක්ලීනර් හා වර්ථමානයේ අළුතින්ම එකතුවූ වැකුම් රෝබෝ වරු නිසා කාන්තාවන්ට අත්ව ඇති සැනසිල්ල අතිමහත්ය.
03.   විදුලිය
04.   අන්තර්ජාලය
05.   ගමනාගමන පහසුම්
06.   ජල නල පහසුම්
විස්තර නොකරද කාන්තාවන් මෙම උදාහරණ තුලින් ලබා ඇති පහසුකම් අති මහත්ය.

අවසානයේ සාරාංශයක් ලෙස ඉදිරිපත් කරනුයෙමි.
01.   පුද්ගල සමානාත්මතාවය නොමැති වීමට හේතු දෙකකි. 1. සමාජමය හේතු 2. ජීවවිද්‍යාත්මක හේතු.
02.   මනෝ විද්‍යාත්මකව ගත්කල පිරිමියා ද්‍රව්‍ය වලට කැමතිවීමත් කාන්තාව පුද්ගලයන්ට කැමතීවීම හා උපරිම සාමානාත්මතාවය ලගාකර ගැනීමේදී ඒක පුද්ගල විවිධත්වය උපරිම වීම දැකිය හැක.
03.   කාන්තා විමුක්තිය ලැබුණේ හා ලැබෙනුයේ සමාජ ප්‍රතිපත්ති මත හෝ සමාජ ඉංජිනේරු විද්‍යාව නිසා නොව, විද්‍යාව හා තාක්ෂණයේ දියුණුව නිසාය.

Saturday, 27 October 2018

Golden boy syndrome

Golden boy syndrome යන මානසික රෝගය වැඩිහිටි යන්ගේ ළමා කාලයේ දී ඔවුන්ට සිදුවූ අපචාරයන් නිසා ඇතිවන රෝගී තත්ත්වයකි. මෙම අපචාරාත්මක ක්‍රියාවලිය නැතිනම් ක්‍රියාව වනුයේ වැඩි සෙනෙහෙ පෑම හා වැඩි ආරක්ෂාව සැපයීම තුලිනි. ඔබ බලනවා ඇති මේ මොකක්ද කියා, සාමාන්‍යයෙන් වැඩිහිටියකුගේ මනෝ මට්ටම පිරිහෙනුයේ ඔහු ළමා කාලයේ ශාරීරික මානසික ව ඉතා දැඩි පීඩනයට පත්වූ විටය. එය අපි දන්නා දෙයක් වේ, නමුත් ළමයෙකුට කුඩාම අවදියේ පටන් දැඩි ලෙස ආදරය හා දැඩි රැකවරණය ලබා දීමෙන් දරුවා වැඩිහිටියකු වූ පසු ඔහුට වැලඳෙන රෝගයක් පිළිබඳවයි මා මෙහි සඳහන් කරන්නේ. අපි ළමයි හදද්දි උගන්වන්නේ ළමයාගේ හිත රිද්දන්න එපා කියා ඒ නිසා දෙමාපියන් වශයෙන් අපි ළමයාට සියල් සම්පත් ලබාදෙන අතර ඔහුට වඩා කෙරුමෙක් නැතැයි ප්‍රකාශ කරනු ඇත.

යම් අවස්ථාවක ඔහුගේ වාර විභාග ලකුණු අඩු වුවහොත් දෙමව්පියන් ගුරුවරයා හමුවට ගොස් ගුරුවරයාගෙන්  පිළිබඳ ප්‍රශ්න කරනු ඇත. ජය පරාජය නොවේ සහභාගී වීමයි වැදගත් කියා ඔහුට සහතිකයක් ලබා දෙවනු ඇත. ළමයින් අතර රණ්ඩුවක් ඇති වුවහොත් එය ළමයින්ට විසඳා ගැනීමට ඉඩ නොදී දෙමව්පියන් මැදිහත්වී වැරැද්ද කෙසේ වෙතත් තමාගේ ළමයාට ජයග්‍රහණය ලබා දෙනු ඇත. මෙම දෙමව්පියන්ගේ වැරදි හැසිරීම නිසා ළමයා වැඩිවියට පැමිණෙන විට ඔහුට අනවශ්‍ය අවධානයක් හා අනවශ්‍ය ඔලුව ඉදිමීමකට ලක් ව ඇත. සමාජයට ඔවුන් පැමිණි විට පළමුව ප්‍රකාශ කරනුයේ ‘‘තමුසේ දන්නවද මම කවුද කියලා?‘‘ මෙහිදී සමාජය විසින් ඔහුට නිවෙසේ දී ලැබෙන ඉතාමත් දැඩි හා අනවශ්‍ය අවධානයක් නො ලැබෙනු ඇත. මෙහිදී වැඩිහිටියන් බවට පත් වූ මෙම ළමයින් දැඩි ලෙස කෝපයට පත්වෙයි. යම් අවධානයක් ලැබුණ ද එම අවධානය ඔහුට නොසෑහෙන ඇත.

මම තමයි පොර ලෙස සිතා ගෙදරින් එලියට බහින ඔහු මගදී පොරක් නොවනු ඇත. මෙහිදී ඇතිවන විපර්යාසයක් වනුයේ ඔහු විසින් සමාජයෙන් තමාට අවධානයක් ලැබෙන ලෙස තම චරිතය මාරු කිරීමට උත්සාහ කිරීමය, එනම් මැරයෙක්, ඒකාලයේ සිට ම පොරක්, සල්ලි විසිකර න ඩයල් එකක්, ලිංග මාරු වූ ශ්‍රේෂ්ඨ පොරක්, නිරාගමිකයෙක්, සමලිංගිකයෙක්, සිස්ටම් එක වෙනස් කරන කෑගහන විප්ලවවාදීයෙක් යන ආදී චරිත වීමට උත්සාහ කරනු ඇත.

අනිත් කරුණ වනුයේ මෙම රෝගය වැළඳුණු පුද්ගලයන් ගේ දැකිය හැකි ගති පැවතුම් ලක්ෂණ අතර දැඩි මුරණ්ඩු කම, බුද්ධිමය සංවාදයකට තමාගේ දැනුම ප්‍රමාණවත් නොවේ නම් අතින් පයින් සංවාදයට යෑම, තමාට සිදුවන ඇනුම් බැනුම් සිත් රිදවීම් වලට පළි ගැනීමට උත්සාහ කිරීම, තම මතයට විරුද්ධ වන්නන් හා තම මතයට විරුද්ධ මතයක් ඇසුණු විගස කෝපයට පත්වීම, රැවටීම, වංචා කිරීම, මෙන්ම බොරු පැමිණිලි කිරීම, චරිත ඝාතන, මඩ ප්‍රහාර එල්ල කිරීම වැනි පෞද්ගලික හැසිරීම් රටා දැකිය හැකිය, හිතාමතා සිදුකරන කුමන්ත්‍රණ මගින් සමාජයේ ස්ථාවරය විනාශයට පත් කිරීම යනාදිය ද උදාහරණ වේ.


මෙම රෝගී තත්වය අනාගතයේදී තම දරුවාට වැළඳීම වැළැක්වීම වර්තමාන දෙමව්පියන් හා භාරකරුවන් වගබලාගත යුතුය. මන්ද මානසික රෝග වලදි ක්‍රියාව වර්තමානයේ වුවද ප්‍රතිඵල ලැබෙන්නේ අනාගතයේ නිසාය. වඩාත් සරලව කිවහොත් මෙහිදී ලබාගත හැකි හොඳම ක්‍රියාමාර්ගය නම් දරුවාට තම වැඩ කිරීමට භාරදීමය. (මා මෙහිදී ප්‍රකාශ කරනුයේ සමාජානු කූලවය.) සීමා රහිත වීම හෝ දැඩි සීමා සහිත වීම මානසික රෝග වල දීමට හේතුවක් වනු ඇත මධ්‍යම ප්‍රතිපදාව ඉතා අගනේය. අතීත මුතුන්මිත්තන් ප්‍රකාශ කරන ලද හැදි නොගා හදන හොද්දේ ගන්න හොඳම උදාහරණයයි. එමෙන්ම ජයග්‍රහණය හා පරාජය රස විඳීමට ඉඩ දීම ජයග්‍රහණයට උත්සාහය, කැපවීම, අධිෂ්ඨානය, පුහුණුව අවශ්‍ය බවත්. මෙවැනි දේවල් තමන්ට වඩා වැඩියෙන් ප්‍රතිවාදියා කැප කර ඇත්නම් ප්‍රතිවාදියා දිණන බවද, ප්‍රතිවාදියාට වඩා තමන් කැප කර ඇත්නම් තමන් දිණන බව ද පහදා දෙන්න. දරුවාට සමාජය තැලෙන පොඩිවෙන ඉඩදෙන්න, නමුත් ඕනවට වඩා හෝ ඕනෑවට වඩා අඩුවෙන් එය සිදුවීමට ඉඩ ලබා නොදෙන. ඒ පිලිබඳ පරීක්ෂාකාරී වන්න. තමා විශේෂ නොවන බව තමාගේ විශේෂත්වය තමා විසින් කැපකිරීමෙන්, මහන්සියෙන් උපයා ගත යුත්තක් බවත් දරුවාට වටහා දිය යුතුය.


Monday, 24 September 2018

ඵලක් නෑ


වර්ථමාන සමාජයට හා සමාජ දැණුමට අනුව අතීතයේ ලියවූ ආගමික පොත් වල සත්‍යක් නැතැයි ප්‍රකාශයක් ඇසුනු විට ඔබ එයට ලබා දෙන පිලිතුර කුමක්ද? මන්ද යත් අතීතයේ සිටියාට වඩා අපි දැන් ඉතා විශාල වශයෙන් දැනුමෙන් හා තාක්ෂණයෙන් දියුණු වී ඇති නිසා.

එම ආගම් පොත් වල වාක්‍යයෙන් වාක්‍යට ගත් විට නැත, ඡේදයෙන් ඡේදයට ගත් විට සමහර විට, මුළු ලේඛණයම ගත් විට නැත. යන්න පිලිතුරයි. මන්ද යත් මෙය තමයි සංකීර්ණ වල ලේඛණ වල ඇති අනන්‍යතාවය හා අනම්‍යතාවය.

උදාහරණයකට ගන්න චිත්‍රපටියක් මෙම චිත්‍රපටියේ යම් යම් තැන් අපැහැදිලි උනත් අපි චිත්‍රපටිය රස විදිනවා මේ චිත්‍රපටිය අපිව යම් චින්තන රටාවකට හුරු කරණවා නමුත් මෙම චිත්‍රපටියේ පෙරලියක් (Twist) ඇති චිත්‍රපටියක් වූවහොත් එතෙක් වේලා චිත්‍රපටිය ගොඩ නැගූ අපේ චින්තන රටාව හා රසවිදිම  සම්පූර්ණයෙන්ම වෙනස් වනවා ඇත. මෙහිදි පෙරලියකට (Twist) පෙර යම් අවස්ථාවක් හෝ පෙරලියට පෙර චිත්‍රපටියේ කතාව යොදාගෙන චිත්‍රපටිය විවේචනය කිරීම මෝඩ කමකි.

එසේම යම් වචනයක් හෝ වාක්‍යක් යොදාගෙන සංකීර්ණ ලේඛණයක් විවේචනය කරණ කරන විට එමගින් ඔබගේ මන්ද බුද්ධික භාවය පෙන්වීමට උත්සහ කරන බව පිලිගත් න්‍යාය වේ. (ආගම් හා ආගම් ලේඛණ විවෙචනය කරණ විට සැම විටම සිදුවන්නේ මෙයය) මන්දයත් වචන, වාක්‍ය, ඡේද දහස් ගණනක් සහිත සංකීර්ණ ලේඛණයක් ඉදිරිපත් නොකර වචනයක් හෝ වාක්‍යක් ඉදිරිපත් කරණ නිසාය.

කල යුත්තේ සංකීර්ණ ලේඛනය කියවා තේරුම් ගෙන එහි පණිවිඩය ලබා ගැනීමය. එය නිකම්ම නිකං ලැබෙන්නක් නොව උත්සහයෙන්, මහන්සියෙන්, කැපවීමෙන් ලබාගත යුතු දෙයක්ය, ඒ සදහා කැපකිරීමක් කල යුතුය. ඒ සදහා ඔබට හැකියාවක් නැතිනම් මෙම සංකීර්ණ ලේඛණ වලින් ඔබට ප්‍රයෝජනයක් නැත. එමෙන්ම මේ ලේඛණ වලට ඔබෙන්ද ප්‍රයෝජනයක් නොමැත.

නමුත් මෙම ලේඛන වලින් ඵලක් ප්‍රයෝජනයක් ගන්නා පුද්ගලයන්ද ඇත. අනිවාරයෙන්ම ඔබ ඔවුනට බාධා නොකල යුතුය, බාධාවක් නොවන ලෙසට හැසිරිය යුතුය, මන්ද යත් ඔබට එසේ කල නොහැකි නම් ඔබ නිකම්ම නිකං අපතයෙක් වන නිසාය.

රුසියාව


රුසියාව සිය තරුණ ජනතාව වසර හතරක් හෝ හයක් යුධ හමුදා සේවයේ යොදවා එම කාලය අවසන් වූ පසු වසර නවයක කාලයක් ඔවුන් අතිරේක හමුදා පිරිස් (Reserves) ලෙස යොදවා තබා ගනී. මෙම ක්‍රමය රුසියාව ඉතා විශාල කාලයක් තිස්සේ සම්ප්‍රධායක් ලෙස කරගෙන යන සිද්ධාන්තයකි.

මෙය සෙවනැලි හමුදා ගොඩ නැගීම ලෙසද හැදින්වේ. මෙහි ඉතා වැදගත් අවස්ථාවක් ලෙස දෙවන ලෝක යුද්ධයේදි රුසියාව ජර්මනිය සමග යුධ කිරීමට ඇති තරම් සෙබලුන් සිටිමට හේතුව ලෙස පෙන්වා දිය හැකිය. රුසියාව මෙම ක්‍රමය වර්තමානයේ දි පවත්වාගෙන යනවා මෙන්ම අනාගතයටද පවත්වාගෙන යෑමට සැලසුම් කර ඇත.

රුසියාව පමණක් නොව චීනය, ජපානය, ඇමරිකාව, ඊශ්‍රයලය, යුරෝපයේ සෑම රටක්ම සරළව කියුව හොත් ලෝකයේ දියුණු හා බලවත් සෑම රටක්ම මෙම ක්‍රමය අනුගමනය කරනවා ඇත. මෙතුලින් එම රටේ සටන්කාමි ජනතාවක් හා දේශප්‍රමින්ට තම දේශය වෙනුවෙන් නැගි සිටිමට අවශ්‍ය පුහුණුව හා ශක්තිය ලැබෙනු ඇත. එමෙන්ම විනයක්, පුහුණුවක් හා හික්මීමක් සහිත තරණ ජනතාවක් රටට ලැබිම අමතර වාසියක් වනු ඇත.



දේශපාලන පන්තිය

https://www.youtube.com/watch?v=qx1-5zZh4tg&list=PLt6Kig_uNmlfC_UzGIivFtms0vdOO9hWb